So wia heid zum Beispü: Do losst ma so an Typn scho hoiblegal gratis bei sich wohna. Und des ohne dass ma eam an Oaschtritt vapsst, wonn a moi wieda nix zum Gemeinschoftslebn, -putzn oda eikaufn beitrogt. Und jetzt isa seit a boa Tog orbeitslos und schofts doch tatsächlich, dassa Sozialhüfe obcasht. 1100 Franken im Monat, dazua Kronknversicherung und Miete. I no so bled am Onfong, denk ma, jo Miete zoida jo koane, des bringt eam nix. Oba na, der gibt oafoch moi on, dassa bei uns untermietet und kriagt do a no moi. I moan, wen gratis wohna lossn is woi scho nett gnuag, oba donn verdient der a no Geld dran, dassa auf Kostn ondara schmarotzt. (Host übrigns recht ghobt, Papa - ea is a Schnorra. Genauso wia oi die, die ma erklärt hom, es sei a guade Schui fias Lem / Soziales / ... - is es wirklich).

--|| Eigentlich hätt do jetzt no a Absatz her ghead. ||--
--|| Dea is aufgrund von manglnda inhaltlicher Qualität ersatzlos glöscht worn. ||--

Schen Nochmittog no,

Oida, des geht jo moi goa ned.
Zwoa Monat Pause beim Bloggn, des geht ned.
An Blogentry der in so am Deitsch verfosst is, geht a ned.
Geht doch. Merkt ma donn...

Im Moment is vü wos eigentlich goa ned geht.
Dass mei Computer glei goa ned geht, des geht moi goa ned.
Oda die do drübn glei moi Sex hom wern. Des geht ebnso ned.

Dass ma die Zeit davo lauft, des geht a goa ned.
Oda das i ned so recht woas wia is mit da Uni mochn soit, des geht moi ned.
Das i 7000 Liada auf meim Laptop hob und trotzdem nia woas wochas davon i spün soit. So geht des ned.

Dos im Moment ois a bissl zach dahi geht, des duad ned.
Dass die Rechschreibprüfung grod ois rot untastreicht, des duad a ned.
Und dass i trotz schlofloser letzter Nocht jetzt no putzmunter bin, eigntlich duad des ned.
Duad doch, merkt ma donn...